4th Viray Festival ti Sta. Ana, Cagayan, narambakan

Rinambakan ti ili ti Sta. Ana, Cagayan ti maika-4 a Viray Festival idi Mayo 26-30.

Kinuna ni Regional Director Bless Diwa ti Dept. of Tourism, Region 2 a maibilang kadagiti aktibidad iti parambak ti Fluvial Parade, Carabao Parade and Exhibition, Booth Display, Street Dancing, ken Indigenous Games Competition. Ngem ti tampok ti parambak isu ti pannakairubuat ti Sand Sculpturing Competition a naluktan para kadagiti amin a Cagayano.

Kas kinuna ni Mayor Norberto Victor Rodriguez, ti nasao a Sand Sculpturing Competition ti umuna a kastoy a pasalip iti Tanap ti Cagayan.

Am-ammo ti Sta. Ana a kas ‘yan ti nalatak a Palaui Island ken ti Cape Engaño Lighthouse a nabangon idi tiempo dagiti Kastila, ti Gotan ken Angib Beach Cove, ken ti Cagayan Economic Zone Authority and Freeport. (Ruben Corpuz) – Bannawag

Advertisements
%d bloggers like this: