Board Meeting ti GF: Hunio 22

Maangay ti maikalima a regular a board meeting ti GUMIL Filipinas, ti gunglo dagiti mannurat nga Ilokano iti Filipinas ken iti ballasiw-taaw inton Mayo 22, 9 A.M., iti Mezzanine, Agriculture Building Function Room, Capitol, Bayombong, Nueva Vizcaya iti panangsangaili ni GF director Ruperto P. Manuel, kas impakaammo ni Baldovino Ab. Valdez, presidente ti gunglo.

Mataming iti miting dagiti nadumaduma a proyekto ti GF kas iti Balay ti GUMIL ken panagilibro. Maigunamgunam ti yaatendar amin nga opisial ken direktor ti gunglo ken uray pay dagiti chapter presidents.

Kadagiti chapter president a dumar-ay, masapul nga ipatalgedda ti yaatendarda ken ni GF Dir. Manuel iti CP 0917-2720852. Para iti dadduma pay nga impormasion iti miting, kontaken ni GF Secretary-General Rogie C. Baysa, CP 0921-3746452. (Leo S. Fagaragan) –Bannawag

Advertisements
%d bloggers like this: