Hunio 21, 2008; Kombension ti Oahu Filipino Community Council

KAS ITI TINAWEN a maangay ti panagkombension ti OAHU FILIPINO COMMUNITY COUNCIL napakaammuanen dagiti maseknan a gunglo a kameng iti OFCC a maaramid ti kombension no Hunio 21, 2008 idiay ALA MOANA HOTEL.

 

Nasurok a walopulo dagiti napakaammuan a gunglo a mangsungbat, mangpabaro, ken mangited ti nagan dagiti delegadoda. Hunio 7, 2008 ti kaaudian nga aldaw a panangited ti membership fee, delegate fee [$50.00 EACH], ken nomination form.  

 

Itoy a maisursurat daytoy, Hunio 10, awan pay ti kompleto a listaan dagiti nagpabaro a gunglo.

 

Maymaysa pay la ti nagpadlaw nga agkalikagum a para presidente. Adda metten  nagpadlaw a papili a bise ken director. 

 

Iti nasaksakbay a gundaway, naalimadamadmi nga adda dua nga agkalikagum iti   kinapresidente. Banag a nasayaat daytoy a pagilasinan ti ‘sibibiag a tarigagay’ dagiti kakabsat a medio nabayagen a saanda a nagparparang wenno dimmangdanggay kadagiti dadduma a gannuat ken aktibidad ti OFCC gapu iti personal a rasonda a pangibukbokan ti panawenda, mabalin iti trabaho, pamilia wenno salun-at.

 

 “Saan pay nga ita,” kinunada idi dinamagmi. “Tulonganmi lattan no asinonto man ti mabutosan.” innayonda.

 

SILULUKAT A KANAYON TI OFCC A PAKITIPONAN. Adu dagiti proyekto a mabalin nga ipatungpal, uray asino man dagiti mangimatmaton.

 

Ti OFCC ti masao a “payong” dagiti organisasion a Filipino iti Oahu. Kameng ti OFCC iti United Filipino Council of Hawaii, nga isu met ti statewide organization.

 

Nairanta ti OFCC a pagtitiponan dagiti gunglo mainaig iti pannakatagiben ti kultura, kannawidan, dagiti kababalin ni Filipino a naggapu man idiay pagilian, wenno dagiti saringitda, nayanakda man sadiay wenno iti ballasiw ngem adda ramutda kadagiti ili, probinsia, eskuelaan ken dagiti man rehion a naggappuan ti ramutda.

 

Dagitoy nga ugali, galad, kultura ken tradision ti mapadur-as babaen iti masnop nga objectives wenno goals ti masnop a provincial, municipal, fraternity, brotherhood, alumni ken dadduma a grupo.

 

Nasin-aw ken nabatad ti panggep ti OFCC a binangon dagiti immuna-una a kadaraan. Nabuangay idi 1959 ken immuna a nagpresidente daydi Dios-ti-aluadna a Justo dela Cruz a tubo iti Laoag City.

 

Simmaruno met a nagpangulo dagiti dadduma pay babaen iti eleksion wenno makuna a succession. Aginggana kadagitoy nga aldaw, agtultuloy latta dagiti aktibidad. Nupay addan dagiti pimmanaw iti ‘naisangayan a panagsubli wenno panagawid iti nagkaysa a taeng’; adda met dagiti pimmanaw a saanen nga ammo ti yanda, wenno ar-aramidenda; adda latta met dagiti agtultuloy a makiparpartisipar gapu iti nagan iti panagserbi ken iti panangpilida itoy a pannakilangenlangen iti nagan iti espiritu ti serbisio ti komunidad ken iti panagboluntario iti panawen.

 

Agpayso, adu ti pagkurangan ti OFCC iti man panangimaton no dadduma ngem ammotayo nga awan ti perpekto nga aramid.

 

 

ITI LISTAAN DAGITI ORGANISASION A NAKIKOMBENSION IDI 2007:

1. ANNAK TI BADOC
2. ANNAK TI KAILOKUAN ITI AMERICA
3. CABUGAO SONS & DAUGHTERS OF HAWAII
4. FIL-AMERICAN CITIZEN’S LEAGUE
5. FILIPINO WOMEN’S CIVIC CLUB
6. FILIPINO WOMEN’S LEAGUE
7. HAWAII FILIPINO WOMEN’S CLUB
8. ILOCOS SURIAN ASSN OF HAWAII
9. LA UNION CIRCLE OF HAWAII
10. MAGSINGAL ASSN OF HAWAII
11. NARVACAN ASSN OF HAWAII
12. NUEVA VIZCAYA ASSN OF HAWAII
13. PHILIPPINE CULTURAL FOUNDATION OF HAWAII
14. THE PRIMARY CARE PROVIDERS
15. SAN NICOLAS TEACHERS
16. UNITED LAOAGENEOS OF HAWAII
17. UNITED PANGASINAN OF HAWAII
18. FILIPINO NURSES ORGANIZATION OF HAWAII
19. INTERNATIONAL FILIPINO SOCIETY OF HAWAII
20. LINGAYEN GULF CLUB OF HAWAII
21. FILIPINO BUSINESS WOMEN’S CLUB
22. OFCC


====0000=====

 

Idi inawatmi ti kinapangulo ti Committee on Membership babaen iti panangdutok ni Franklin Borromeo, saanmi a mapagsaanan daytoy gapu ta kayatmi met ti makitinnulong iti namuno a kabaelanmi.

 

Kaduami iti CoM da Danny Villaruz, Filemon Castillo, Veronica Esteban, Rossi Peralta Patton, Maggie Domingo, Lynne Gutierrez, Lina Longboy, Bernadette Fajardo, Jesse Pascual, Edna Alikpala.

 

Binukel ken insingasingmi ti nanumo nga slogan wenno tema ti Committee.

 

OPERATION DAGDAG: BALIK-KAMI KEN TUMIPON-KAMI, PAGTITINNULONGAN TI ARAMID TI OFCC
 
NASKEN TI PANANGARAKUP TI KARIT KEN ITI PANAGBALBALIW KEN PANNAKAPATIBKER TI KONSEHO TAPNO MATAGINAYON TI PANAGTITNNALEK KEN PANAGTITNNULONG. DUR-AS KUNADA TI KANGRUNAAN NGA ITANDUDO DAGITI KADARAAN.

 

Patienmi a ti OFCC ti pannakarupa ni Filipino iti Oahu. Isu ti mangkarkarga ti nagan a Filipino. Isu ti dayaw. Saan nga ibain, ngem tulongan ketdi. Saantayo a baybay-an.

 

Kayarigan ti maysa a balay a saan koma ipalubos a mawarwara dagiti bumalay, ken ti balay mismo.

 

 Umaykayon ta ituloy a palagdaen ken papintasen ti ‘umok’ wenno taeng. No patientayo a nasayaat dagiti pampanunotentayo a gannuat a pakairanudan ti kaaduan, yegyon.
    
 

====000====

Sumagmamano nga inaramiden iti OFCC Membership Committee sakbay ti kombension:

 

  • Napabaro ti listaan, adres ken nagan ti baro a presidente ti gunglo
  • Naawagan dagiti maseknan a gunglo ken dagiti dauloda
  • Napatulodanda iti pakaammo

 

Ket nupay saan latta a perpekto dagitoy a naaramid, sapay koma ta masungbatan dagiti adu a komento ken saludsod, ania ti gapu a bumasbassit ti makikombension?

 

Adda ngamin dagidi panawen ti 2001, 2002, 2003, a naarisgar dagiti delegado nga umay iti kombension no idilig kadagiti napalabas a 2004, 2005, 2006 ken 2007.

 

Ala, sapay koma ta maamiristayo a napateg ti tunggal maysa iti panagkaykaysa ken panagtitipon iti nagan ti OFCC.
 

 

MANAMNAMA NGA AD-ADU TI DELEGADO ITA A KOMBENSION 2008

 

 

2008 OFCC CONVENTION
Carlota Ader – Chair
Co-Chairs : Faye Cudal, Maria Etrata, Jo Farina, Mario Palma, Amado I. Yoro

Agdama nga opisial ti OFCC

Franklin Borromeo , presidente;
Lina Longboy, umuna a bise presidente
Carlota Ader, maikadua a bise presidente
Jean Jeremiah, sekretaria
Veronica Esteban katulongan a sekretaria
Faye Cudal, tesorera
Bernadette Fajardo, katulongan a tesorera
Mario Palma, auditor

Direktor:

Amado Yoro, Philip Alcain, Estrella Taong, Filemon Castillo, Jr, Aurea Agas, Maria Etrata, Louie Funtanilla, Danny Villaruz

Immediate Past President
Lynne Gutierrez

Legal Counsel
Atty. Alfredo Evangelista

====0000=====

 [Writer: Amado I. Yoro,

 

Co-Chairman, OFCC Annual Convention 2008

Co-Chairman, OFCC Publicity Committee

C0-Chairman, Ways & Means Committee

Co-Chairman, Legislative Action Committee

Co-Chairman, Adopt-a-Hwy & Graffiti Buster

Member, Administrative Policy Committee [all past president]

Member, Golf Tournament for Scholarship

Member, Bylaws Committee

Member, Miss Oahu Filipina Scholarship Pageant 2008]

Chairman, OFCC Committee on Membership

Advertisements

There are no comments on this post.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: