Iti Aldaw ti Wayawaya, Kultural a panangaywan, Maiwayat kadagiti OFW

Iti Hunio 12, 2008, a pananglagip ti pagilian ti Aldaw ti Wayawaya, kinuna ni Presidente Gloria Macapagal Arroyo a maaramid daytoy kas “pangbigbig kadagiti sakripisio dagiti bannuartayo, saan laeng nga iti sao no di pay ket babaen ti aramid a mamaglasag kadagiti sirmatada.”

Malaksid iti kadawyan a pannakaisa ti bandera ken ti ritual a panangisagut iti sabsabong, mairaman kadagiti programa ken proyekto ti gobierno dagiti livelihood assistance, panagpabalay, pannakaaywan ti salun-at, programa a pannakapakan dagiti ubbing, ken seguridad iti taraon, pannakaiwaras ti Conditional Cash Transfer Cards, programa para iti edukasion, panangaywan iti aglawlaw, programa para iti umdas nga enerhia, ken dadduma pay a serbisio para kadagiti marigrigat.

 

Iti biang ti National Commission for Culture and the Arts (NCCA), maaddaan iti serbisio a kultural para kadagiti Filipino a mangmangged iti ballasiw-taaw.

Mangangay ti nasao nga ahensia iti libre a workshop ken sesion iti panagtokar ti rondalia, komiks scriptwriting, arnis, chorale singing, dancing, visual arts ken dadduma pay a kita ti arte.

 

Maited daytoy a serbisio kadagiti OFW iti nadumaduma a paset ti lubong babaen ti suporta ni Sen. Edgardo Angara, kas kuna ti NCCA. (Bannawag)

Advertisements
%d bloggers like this: