General Membership Meeting

GUMIL METRO MANILA. Iti general membership meeting ti GUMIL Metro Manila, ti gunglo dagiti mannurat nga Ilokano iti Kamanilaan ken kabangibangna a probinsia, idi Hulio 13, 2008 iti panagsangaili da agkaingungot a Judge Vivencio ken Nenita Baclig iti pagtaenganda iti Bloomfields Subdivision, Novaliches, Quezon City. Iti nasao a miting, naibunong ti umuna a bilang ti Saluyot, ti opisial a pagiwarnak ti gunglo, para itoy a tawen; ken nabukel ti maysa a salip iti panagsurat iti sarita nga esponsoran da agkaingungot a Reynaldo ken Tessie Duque a pangawis kadagiti mannurat iti Kamanilaan ken kabangibangna a probinsia nga agkameng iti GMM. Sango, agpakanawan: Virgilio C. Tabugadir, Judge Vivencio S. Baclig ken ti apokona, Simeon C. Berroy, Ross M. Derit, Cecilio T. Teñoso ken Giovanni Palomares. Maikadua a linia (isu met laeng nga urnos): Juan S.P. Hidalgo, Jr., Martin T. Rochina, Sonny Abrajano, Ansel D. Cargo, Aida C. Tiama, Sherma E. Benosa, Dr. Zita Fagaragan, Ma. Rose A. Cabie, Tessie R. Duque, Nenita Baclig ken Leo S. Fagaragan. Likud (isu met laeng nga urnos): Reynaldo A. Duque, Honor Blanco Cabie ken Vic Palcong. Saan a nairaman iti ladawan ni Jose A. Bragado, maysa kadagiti mamagbaga ti GMM. (Rinetrato ni Ariel S. Tabag)

Advertisements
%d bloggers like this: