Delegado iti 18th FIT World Congress

Maysa ni BANNAWAG Associate Editor Cles B. Rambaud kadagiti delegado iti 18th World Congress ti International Federation of Translators (FIT) a maangay iti Shanghai International Convention Center, Shanghai, China itoy nga Agosto 4-7.

Maang-angay iti kada tallo a tawen, napili a kas tema ti kombension itoy a pannakaangayna iti 2008 iti panangimaton ti Translators Association of China ti “Translation and Cultural Diversity”. Dar-ayan daytoy dagiti agipatpatarus, mannurat, academicians, ken dadduma pay a cultural workers manipud iti ag-50 a pagilian a nakabangonan dagiti gunglo dagiti agipatpatarus. 

Kas delegado, idatag ni Rambaud ti sinuratna a “The Marginalization of the Iluko Language and Other Regional Languages in the Philippines”.

Nabangon ti pederasion dagiti gunglo dagiti agipatpatarus idi 1953 idiay Pransia, am-ammo daytoy iti opisial a naganna a Federation Internationale des Traducteurs (FIT).

Naangay ti naudi a kombension ti FIT idi 2005 idiay Finland.

 

Naipablaak iti Bannawag, Agosto 11, 2008 a bilang, pahina 34-35.

 

 

Advertisements
%d bloggers like this: