GF Meeting inton Agosto 31

Maangay ti maikanem a regular a board meeting ti GUMIL Filipinas, ti gunglo dagiti mannurat nga Ilokano iti Filipinas ken ballasiw-taaw, inton Agosto 31, 2008, 9 iti bigat iti Michoice Restaurant, Panganiban St., Laoag City iti panangsangaili da agkabsat a Donel B. Pacis, mannurat iti Iluko ken Ingles, ken Dr. Cecilia Pacis-Aribuabo, CEO IV, ti baro nga Schools Division Superintendent iti DepEd, Division of Ilocos Norte, kas impakaammo ni GF President Baldovino Ab. Valdez.

Maigunamgunam ti yaatendar amin nga opisial ken kameng ti BOD ti GF ken dagiti amin a chapter president wenno pannakabagida.

Mapagsasaritaan iti miting dagiti proyekto ti GF ken ti pannakaangay ti GF 41st Convention inton Kalgaw 2009.

Tuboda iti Vintar, Ilocos Norte, mannurat iti BANNAWAG ni Donel B. Pacis (agnaeden iti California, U.S.A.) idinto a kameng iti GUMIL Ilocos Norte ni Dr. Aribuabo. (Ely M. Raquel)

( Bannawag, Agosto 25, 2008 )

Advertisements
%d bloggers like this: