Antalan, Tabag, Agcaoili iti Sarita nga Iloko ti Palanca 2008

Indauluan ni Danilo B. Antalan ti Siudad ti Candon dagiti nangabak iti salip ti sarita, Iloko Division, ti Don Carlos Palanca Memorial Awards for Literature 2008. Impangabak ni Antalan ti saritana a “Dangilen.”

Maikadua a Gunggona ni Ariel S. Tabag ti Sta. Teresita, Cagayan (agnanaedda itan iti Bulacan).

Maikatlo a Gunggona ni Aurelio S. Agcaoili ti UH-Manoa, babaen ti saritana nga “Alegoria Uno.”

Siguden a nagab-abak iti Iloko a Palanca da Antalan, Tabag ken Agcaoili. Daytoy metten ti maikadua a first prize ni Antalan, umuna idi 2005, ken adda pay 2nd prizena idi 2006,  idinto a maikadua met a 2nd prize ni Tabag (umuna idi 2003). Daytoy met ti maika-4 a Palanca prize ni Agcaoili iti Iloko Division ti salip (2nd idi 1997; 2nd idi 1998; 3rd idi 2007; nangabak metten iti 2nd prize iti English Division, Essay Category).

Maiyawat dagiti premio dagiti nangabak inton sardam ti Setiembre 1, 2008 iti Manila Peninsula Hotel. (manipud iti www.dadapilan.com)

Advertisements
%d bloggers like this: