Board meeting ti GMM: Set. 20

Maangay ti miting dagiti opisial ken kameng ti hunta direktiba ti GUMIL Metro Manila, ti gunglo dagiti mannurat nga Ilokano iti Metro Manila ken kabangibangna a probinsia, inton Setiembre 20, 2 P.M. iti McDonald’s, Intramuros, Manila, kas impakaammo ni Ansel D. Cargo, presidente ti gunglo.

Mapagsasaritaan dagiti proyekto ti gunglo kas iti pannakaipablaak ti Saluyot, ti publikasion ti gunglo, ken dagiti serye iti panaglektiur.

Maidatagto dagiti mapagnunumuan ti hunta direktiba iti general membership meeting ti gunglo inton Oktubre 26 iti pagtaengan da agkaingungot a Rey ken Tessie Duque iti Tagaytay Royale Estates, Alfonso, Cavite— kagiddan ti pannakayawat ti gunggona dagiti mangabak iti Umuna a Salip iti Sarita ti Premio Reynaldo A. Duque.

Para iti dadduma pay a detalye, umawag iti telepono 400-0089 wenno agteks iti 0918-7458792. (Ma. Rose Cabie)

Advertisements
%d bloggers like this: