Maika-2 nga Ilokano Festival, angayen ti SPADE iti Nob. 30-Dis. 1

Angayen ti Sir Pelagio Alcantara Development (SPADE) Foundation ti Maika-2 nga Ilokano Literary-Cultural Festival inton Nob. 30-Dis. 1, 2008 iti La Union National High School, Siudad ti San Fernando.

Ti tema ti parambak: “Ipagtangsittayo ti Kinabaknang Dagiti Tawidtayo nga Ilokano”. Mairaman a mangpamaris iti parambak ti pannakaangay ti Maika-2 a Nasional a Salip iti Saribitniw a proyekto ti SPADE ken ti National Commission for Culture and the Arts (NCCA).

Iti maikadua nga aldaw ti festival (Dis. 1), maangay ti ti literary quiz bee para kadagiti estudiante iti haiskul, ken on-the-spot English poetry writing and reading para kadagiti estudiante iti kolehio. Mainaig itoy, maipakaammo kadagiti interesado a makisalip nga agemailda iti spade_bulletin@yahoo.com wenno ag-textda iti 09297780854 no kasapulanda ti dadduma pay nga impormasion.

Kadakkelan a paset ti festival ti Ilokano Literary Book Exhibit a mangitan-ok kadagiti mannurat nga Ilokano a nakailibro wenno nakaipablaaken kadagiti gapuananda (Iluko man wenno Ingles). Kaaduanna kadagiti maipabuya ti agtaudto iti biblioteka daydi Apo Pelagio A. Alcantara ken kadagiti donasion a magasin ken libro a naawat ti SPADE. (SPADE Secretariat)

(Bannawga, Oktubre 27, 2008)

Advertisements
%d bloggers like this: