25 nga estudiante, napadayawan a kas Bright Child Achievers

November 3, 2008 - Leave a Response

SIUDAD TI VIGAN–Sangapulo ket walo nga estudiante iti elementaria ken pito manipud iti sekundaria ti naukkoran iti medalia bayat ti naangay nga State of the City Address da Mayor Eva Marie S. Medina ken counterpart daytoy a Child Mayor a ni Jaycelle Rafanan a naangay iti Vigan Culture and Trade Center itoy a siudad idi Oktubre 20.

Karaman kadagiti adda iti elementaria dagitoy sumaganad: Lovely Bedonia, Jewell Rae Nemedez, Marielle Ann Verzosa, John Carlo Dasala, Amanda Ferido, Kniethel Rabara, Chariza Joy del Rosario, Claire Quilana, Duke Brian Purugganan, Vernan Jerald Pomares, Lara Mae Abinoja, Owen Mark Cagalingan, Angelica Joy Apuya, My Arrobio, Rocha Colleen Ellana, Ronnette Alcain, Maureen Lou Aragoza ken Princess Abella. Iti met sekundaria da Felice Baterina, Carmela Claire Salvatera, Alyssa Marie Aludino, Jezreel Robino, Edward Presto, Marco Bañez ken Elynor Irish Quilendino.

Malaksid iti medalia, immawat pay dagiti Bright Child Achievers iti P2,000 kas cash incentive.

Iti bitlana, kinuna ni Mayor Medina nga iti siudad ti Vigan, numero uno dagiti ubbing. Impalgakna pay nga iti uneg ti tallon a tawen manipud idi 2006, nagsasaganad nga inyalat ti Vigan ti pammadayaw a Most Child Friendly City iti Rehion I, pammaneknek a maipapaay ti LGU dagiti kasapulan dagiti ubbing a Bigueño.

“Dagiti ubbing ti sumaruno a lider isu a masapul laeng a maipangruna dagiti kasapulanda,” innayon ti mayor.

Kinuna met ti Little Mayor a ni Rafanan a nagasat dagiti ubbing iti Vigan ta adda ti LGU a mangay-aywan ken mangipapaay iti kasapulanda.

Itoy met laeng nga okasion a nayalnag ti Katulagan: The Vigan City Service Guide Book a proyekto ti gobierno ti siudad.

Ilawlawag ti libro dagiti serbisio nga ipapaay ti city hall, addang iti pannakaala kadagitoy, dagiti personalidad a rumbeng a turongen iti partikular a serbisio, ken dadduma pay. (Mancielito S. Tacadena/NBN Vigan)

(Bannawag, Nobiembre 10, 2008)

Advertisements